சுப, அசுப கிரகங்கள்

நன்மை, தீமை செய்யும் கிரகங்களை எவ்வாறு வகைப்படுத்துவது?

சுப, அசுப கிரகங்களை இரு வகையில் வகைப்படுத்தலாம். அவை:
(1) இயற்கையான சுப, அசுப கிரகங்கள்
(2) லக்ன அடிப்படையிலான சுப, அசுப கிரகங்கள்

இனி விரிவாகப் பார்ப்போம்



(1) இயற்கையான சுப, அசுப கிரகங்கள்

இயற்கையான சுபகிரகங்கள்:
குரு, சுக்கிரன், தீய கிரகங்களுடன் சேராத புதன், வளர்பிறைச் சந்திரன்.

இயற்கையான அசுபகிரகங்கள்:
சூரியன், செவ்வாய், சனி, இராகு, கேது, தீய கிரகங்களுடன் சேர்ந்த புதன், தேய்பிறைச் சந்திரன்.



(2) லக்ன அடிப்படையிலான சுப, அசுப கிரகங்கள்

ஒவ்வொருவரின் ஜென்ம லக்னத்திற்கு ஏற்ப கிரகங்களின் சுப, அசுபத் தன்மை மாறுபடுகிறது. உதாரணத்திற்கு இயற்கையில் சுபனான குரு, மகர லக்னத்திற்கு பாவியாகி தீய கிரகமாகிறான். இதே போல் இயற்கையில் அசுப கிரகமான செவ்வாய், கடக லக்னத்திற்கு யோகம் செய்வராக மாறி, சுபத் தன்மை பெறுகிறார். இவ்வாறு மற்ற லக்னங்களுக்கும் சுப, அசுப கிரகங்களின் அட்டவணை தரப்பட்டுள்ளது. லக்ன அடிப்படையில் சில கிரகங்கள் மாரகர்களாக மாறுகின்றனர். மாரகர்கள், கொடியவர்கள், தீமை செய்பவர்கள். அவர்களே ஜாதகரின் மரணத்தை ஜாதக அடிப்படையில், சனிபகவானுடன் (ஆயுள்காரகன்) கூட்டணி அமைத்து தீர்மானிப்பவர்கள். சில மாரகர்கள் அவர்கள் ஜாதகத்தில் தாம் இருக்கும் இடத்தைப் பொறுத்து, மரணத்தை தராமல், மாரகத்திற்கொப்பாகிய கண்டத்தைக் கொடுப்பவர்கள். புதன் சில ஜாதகங்களில், தீய கிரகச் சேர்க்கையால் சுபலனையும், மாரகத்தையும் கலந்து செய்வதை அனுபவத்தில் காணலாம்.

லக்னம்	சுபர்	அசுபர்	மாரகர்
மேஷம்	சூரியன், குரு	புதன், சனி	புதன், சனி
ரிஷபம்	சூரியன், புதன், சனி	சந்திரன், குரு, சுக்கிரன்	சந்திரன், குரு, செவ்வாய்
மிதுனம்	குரு, சுக்கிரன், சனி	சூரியன், செவ்வாய், குரு	சூரியன், செவ்வாய், குரு
கடகம்	செவ்வாய், குரு	புதன், சுக்கிரன்	புதன், சுக்கிரன், சனி
சிம்மம்	சூரியன், சுக்கிரன் செவ்வாய்	புதன், சுக்கிரன்	சுக்கிரன், சனி, புதன்
கன்னி	புதன், சுக்கிரன்	சந்திரன், குரு, செவ்வாய்	சந்திரன், குரு, செவ்வாய்
துலாம்	புதன், சுக்கிரன், சனி	சூரியன், செவ்வாய், குரு	சூரியன், குரு
விருச்சிகம்	சூரியன், சந்திரன், குரு	செவ்வாய், புதன், சுக்கிரன்	புதன், சுக்கிரன்
தனுசு	சூரியன், செவ்வாய், புதன்	சுக்கிரன்	புதன், சுக்கிரன்
மகரம்	செவ்வாய், புதன், சுக்கிரன்	சந்திரன், குரு	சந்திரன், குரு
கும்பம்	சுக்கிரன், புதன், சனி	சந்திரன், செவ்வாய் , குரு	சந்திரன், செவ்வாய்
மீனம்	சந்திரன், செவ்வாய்	சூரியன், சுக்கிரன், சனி, புதன்	சூரியன், சுக்கிரன், சனி, புதன்

இந்த கட்டுரையின் மூலம் நாம் அறிந்துகொள்வது யாதெனில், எந்த ஒரு கிரகத்தையும், சுப கிரகம் என்றோ, அசுப கிரகம் என்றோ சட்டென்று முடிவு செய்ய இயலாது. ஆராய்ந்தே ஒரு முடிவுக்கு வர இயலும்.

இயற்கை சுப கிரகங்களுக்கு சொந்தமான நட்சத்திரத்தில் பிறந்தவர்கள், பொதுவாக சாத்வீக குணமுள்ளவராக இருப்பார்கள். இருப்பினும் அவர்கள் யோக வாழ்க்கையை அனுபவிக்க தக்க வயதில் வரும் தசைகளின் தசா நாதர்கள், லக்கின அடிப்படையில் சுப கிரகங்களாகி, ஜாதகத்தில் நல்ல நிலையில் இருப்பது மிக அவசியமாகும்.

கற்றல்! தெளிதல்! தெளிவித்தல்! என்ற கொள்கையுடன்

அன்பன்

இராம்கரன்

tamiljatakam@gmail.com

ஜோதிடம் கற்கலாம் வாங்க - 12

கடந்த பதிவில் ஜோதிடத்தின் முக்கிய 3 தூண்களாக கிரகம், நட்சத்திரம், ராசி போன்றவைகளைக் கூறினோம். அவைகளுக்கு இடையேயான தொடர்பை வரும் பதிவுகளில் காண்போம்.

முதலில் கிரகங்களுக்கும் ராசிகளுக்கும் உள்ள தொடர்பைக் காணலாம்

ராசி	ஆட்சி செய்யும் கிரகம்
மேஷம்	செவ்வாய்
ரிஷபம்	சுக்கிரன்
மிதுனம்	புதன்
கடகம்	சந்திரன்
சிம்மம்	சூரியன்
கன்னி	புதன்
துலாம்	சுக்கிரன்
விருச்சிகம்	செவ்வாய்
தனுசு	குரு
மகரம்	சனி
கும்பம்	சனி
மீனம்	குரு

ஆட்சி செய்யும் கிரகம் என்னப்பா செய்யும்?
ஒவ்வொருவரும் மேற்கூறப்பட்ட ஏதாவது ஒரு ராசியில் / லக்னத்தில் பிறந்தேயாக வேண்டும். அவருடைய ராசிக்கேற்ப ராசியாதிபதியும், லக்னத்திற்கேற்ப லக்னாதிபதியும் அமைந்துவிடுவார். அவர்தான் உங்களுக்கு எல்லாமும். அவருடைய குணாதிசயம்தான் உங்களுக்கு அமையும். ஜாதகத்தில் அவர் அமையும் இடத்தைப் பொறுத்து நன்மை தீமைகளை செய்வார். ஜாதகத்தில் இவர் கெடக்கூடாது. இவர் சொந்த வீட்டில் அதாவது ஆட்சியாக இருப்பது ஜாதகருக்கு சிறப்பாக அமையும்.

உதாரணத்திற்கு ஒருவர் சிம்ம ராசியில் பிறந்திருந்தால் அவருடைய ராசிநாதன் சூரியன் ஆவர். ஏனெனில் மேலே உள்ள அட்டவணைப்படி சிம்ம ராசியை ஆட்சி செய்யும் கிரகம் சூரியன். ஜாதகத்தில் சூரியன் சிம்ம ராசியிலேயே அமர்ந்து இருப்பாராயின், அவர் ஆட்சியில் உள்ளார் என்று எடுத்துக் கொள்ள வேண்டும். இவர் சொந்த வீட்டில் அதாவது ஆட்சியாக இருப்பது ஜாதகருக்கு மிகவும் சிறப்பாகும். சிம்மம் தவிர்த்து மற்ற ராசிகளில் சூரியன் இருந்தால் அவர் ஆட்சியில் இல்லை என்று கொள்ள வேண்டும், ஜாதகத்தை ஆராய்ந்தே பலன் சொல்ல வேண்டும். இவ்வாறே ராசிகளுக்கும், கிரகங்களுக்கும் தொடர்பு உண்டாகிறது.

அடுத்தப் பதிவில் நட்சத்திரங்களுக்கும், கிரகங்களுக்கும் உள்ள தொடர்பைக் காணலாம்.

கற்றல்! தெளிதல்! தெளிவித்தல்! என்ற கொள்கையுடன்
அன்பன்
இராம்கரன்
tamiljatakam@gmail.com

எமது அடுத்தப் பதிவு: ஜோதிடம் கற்கலாம் வாங்க-13